Små stèg i livets bok

To steg fram og eitt tilbake-
livet går i takt.
Motgong, medgong får du smake-
livets ektepakt.
Om du sakkar akter, ute-
vert du skubba fram.
For ditt liv har lagt si rute-
den vert halden stram.
Avstikkarar utom leida-
gjer du lurast i
..at du seier: "Takk, men neida"-
slik at du gjeng fri.
Fylgjer du din fot til ende-
dit som målet er.
Kan du siste arket vende-
i den bok du bèr.